លទ្ធផលតេស្តចេញហើយ នាយចឺម ក្រុមគ្រួសារ និង អ្នកភូមិ ទទួលបានបែបនេះទាំងអស់……….

នៅព្រឹកថ្ងៃទី ៣០ ខែមីនា ឆ្នាំ ២០២១ នេះ លទ្ធផលធ្វើតេស្តសំណាកលើកចុងក្រោយរបស់តារាចម្រៀងវ័យក្មេង នាយចឺម និង ក្រុមគ្រួសារ ព្រមទាំងអ្នកភូមិ បានបង្ហាញថា ពុំមានអ្នកណាម្នាក់ឆ្លងកូវីដ-១៩ ទេ ពោលគឺអវិជ្ជមានទាំងអស់ ។តាមទំព័រសិល្បករកម្ពុជាបានឱ្យដឹងថា បន្ទាប់ពីលទ្ធផលតេស្តបង្ហាញថាអវិជ្ជមាន ព្រមទាំងបានធ្វើចត្តាឡីស័ករយៈ ១៤ ថ្ងៃរួចមក នាយចឺម ក្រុមគ្រួសារ និង អ្នកភូមិ ត្រូវបានគ្រូពេទ្យអនុញ្ញាតឱ្យត្រលប់ទៅផ្ទះរៀងៗវិញហើយនៅព្រឹកថ្ងៃទី ៣០ មីនា នេះ ។ការប្រមូលក្រុមគ្រួសារ នាយចឺម និង អ្នកភូមិ មកធ្វើតេស្តរកវីរុសកូវីដ-១៩ នេះ គឺបន្ទាប់ពីតារាកំប្លែង សេង ចន្ដា ហៅ ស្រីអ៊ីត រកឃើញឆ្លងជំងឺមួយនេះ កាលពីថ្ងៃទី ១៣ ខែមីនា ឆ្នាំ ២០២១ កន្លងទៅ ៕