ពួកក្មេងទំនើងជិត៥០នាក់ត្រូវសមត្ថកិច្ច ឃាត់បានខ្លួននឹងធ្វើការណែនំនៅក្នុងកោះពេជ្រ ដោយពួកគេបានល្មើសនឹងប្រសាសន៍សម្តេច តេជោ ហ៊ុន សែន…….(មានវីដេអូ)

កម្លាំងកិច្ចការពិសេស SDU របស់ស្នងការនគរបាលរាជធានីភ្នំពេញ ដឹកនាំដោយលោកវរសេនីយ៍ទោ អ៊ុន ប៊ុនធីម នាយរងការិយាល័យតម្រួតការពារ នឹងអន្តរាគមន៍ នៃស្នងការនគរបាលរាជធានីភ្នំពេញ ចុះឃាត់ក្រុមយុវវ័យ ដែលជួបជុំគ្នាយ៉ាងពពាក់ពពូន មិនខ្លាចញញើតនឹងការរីករាលឆ្លងជម្ងឺកូវីដ១៩ និងមិនស្តាប់តាមការណែនាំរបស់ក្រសួងសុខភិបាល នឹងវិធានការរបស់ប្រមុខរាជរដ្ឋាភិបាលនោះ បានចំនួន៤៥នាក់ និងម៉ូតូ២៥គ្រឿង យកមកធ្វើការអប់រំណែនាំផ្ទាល់ អំពីផលប៉ះពាល់នៃការប្រមូលផ្តុំជួបជុំស្ថិតក្នុងកាលៈទេសៈនេះ ។ ការឃាត់ក្រុមយុវវ័យខាងលើនេះធ្វើឡើងនៅក្នុងបរិវេណទីក្រុងកោះពេជ្រ សង្កាត់ទន្លេបាសាក់ ខណ្ឌចំការមន នាម៉ោង១០យប់ ថ្ងៃទី២៧ ខែមីនា ឆ្នាំ២០២១នេះ ។