Amazing Content

ភ្ញាក់ផ្អើលខ្លាំង ប្រទះឃើញសត្វចម្លែកទម្ងន់ ៤ តោន រសាត់ទើរលើឆ្នេរសមុទ្រ……………….

សត្វសមុទ្រដ៏ចម្លែកមួយក្បាល ត្រូវបានប្រទះឃើញទើរនៅលើឆ្នេរ Broad Haven នៃតំបន់ Pembrokeshire ប្រទេស Wales ។សត្វចម្លែកដ៏ធំមួយក្បាលនេះ មានទម្ងន់ដល់ទៅ ៤ តោន និង ប្រវែងជាង ៧ ម៉ែត្រ ។ តាមការបញ្ជាក់របស់អ្នកជំនាញបានឲ្យដឹងថា សត្វសមុទ្រនេះបានងាប់នៅក្នុងទឹកយូរមកហើយ ក្រោយមកទើបត្រូវរលកបក់មកទើរនៅលើច្រាំង ។ យោងតាមការពិនិត្យរបស់អ្នកស្រាវជ្រាវ រាងកាយរបស់វាបានស្អុយរលួយ ព្រមទាំងបាត់បង់ទម្រង់រាងកាយ មើលលែងយល់ ។ដោយឡែក អ្នក

ជំនាញនៅមិនតែទាន់អាចកំណត់អត្តសញ្ញាណ អាយុ ក៏ដូចជាមូលហេតុនៃការងាប់ពិតប្រាកដរបស់វាបាននៅឡើយទេដោយសារតែអវយវៈខ្លះបានបាត់បង់ គ្រាន់តែគេសន្និដ្ឋានថា វាប្រហែលជាប្រភេទត្រីឆ្លាមណាមួយ ។ យ៉ាងណាមិញសាកសពរបស់វា ក៏ត្រូវបានគេបញ្ជូនយកទៅមជ្ឈមណ្ឌលវិទ្យាសាស្រ្តដើម្បីធ្វើការសិក្សាបន្ត ៕